segunda-feira, 19 de abril de 2010

Agradecementos









Ando desde a madrugada do domingo ás voltas perseguindo as palabras e as palabras, coma na pita cega, pasan por min rozándome burlonas, inaprehensibles. Bruta que son, co corazón fóra do sitio, que case o perdo ao percorrer o treito tan infinito da mesa ao estrado, desacompasado do lento batucar da sola das botas sobre o piso do salón (estrondo que ninguén percibiu senón eu), coa timidez que me apaga o sorriso e me cega, que me tolle a alegría, non souben máis que dar as grazas, moitas grazas, nun murmurio, a voz de falar tomada e a de calar chamándome nomes. Rescatáronme da vertixe as apertas do Manolo Rivas e o Agustín Fernández Paz, aliviándome do peso dos agasallos e dándome un acougo que nin así me librou do fervillar sen paraxe das mans ―carentes de aconchego onde pousaren, coma pardais agonizantes aos que o chan abrasa e o ar escorrenta― e da cara de parva.

Así que a destempo e fóra de lugar, agradezo à Asociación de Escritores en Lingua Galega o premio á versión ao galego que Bartuk Aykam e eu fixemos da novela O museo da inocencia de Orhan Pamuk e a honra de colocarme ao lado de xentes tan grandísimas.

(E ao Xoán Abeleira, a miña gratitude polo acubillo e a conversa.)

26 comentários:

La queue bleue disse...

Parab'ens!!! :D
Alegro-me mto mto. :)

Sun Iou Miou disse...

E eu, LQB, alégrome de que te alegres moito moito. Grazas. :)

Jonas disse...

As minhas ´cunhas' são infalíveis!!!

Mentira: nisso de Prémios não tens de te admirar quando eles são merecidos.
Trabalhaste, e com o rigor que te caracteriza, para merecê-lo. Só isso era já garantia suficiente, e por isso os meus parabéns são apenas um leve sorriso, uma leve in-surpresa - aquela natural leveza que a superioridade das coisas nos provoca.
Siga para 'Bingo', chica!

Marreta disse...

Parabéns, e agora aguardemos pelo Óscar de actriz secundária...

Saudações do Marreta.

Anónimo disse...

Parabéns, moitos, a un traballo duro e ben feito. Brindo por vostede!

Sun Iou Miou disse...

Hm, Jonas? És tu a sério? Esse comentário não parece teu. ;)

Sun Iou Miou disse...

Isso está feito, Marreta. De aqui a nada vão-me conhecer como "As Mãos de Hollywood". ;)

Sun Iou Miou disse...

Calquera escusa é boa para beber neste país, Kaplan. Pero cómalle algo tamén. :)

Tronkimazín disse...

Non dudaba que ía ser asi , eres un "monstro", un bico grande, aínda que sei que non eres moi amiga de efusións.

Sun Iou Miou disse...

Despois de saír no Faro, Tronkimazín, a rexouba oficial nas Carrouchas é: "A esta se comese un pouco máis de touciño non lle pasaba nada". Xa ve vostede ao final que é o que conta aquí. :(

*Vexo que aprendiches a borrar comentarios. ;)

Tronkimazín disse...

Reminiscencias do pasado confundir grandeza con bandullo ,que ven che queda a "garda de corps",e o Gelman ¡que puntazo!.

*Teño que aprender a coller o diccionario antes de darlle a "publicar".(o de pensar antes de falar xa non ten cura).

Sun Iou Miou disse...

Si, Tronki, na foto do Faro sae o Juan Gelman eclipsándome. Ese e Luz Pozo Garza si que son monstros.

Teté disse...

Muitos PARABÉNS!!! Tenho a certeza que esse prémio é merecido.

E sim, lembro-me de escreveres que andavas em busca das palavras mais adequadas, da volta a dar ao texto para melhor expressar o que o autor pretendia. Empenho que não será o de todos os tradutores... :)

Beijoquitas!

ps - quanto ao ficar assim nervosa, só não acontece a quem gosta de ser o centro das atenções... ;)

Sun Iou Miou disse...

Tu tens uma memória, Teté... :)

Muito obrigada e bejoquita para ti.

Mar disse...

Deixate levar,tes dereito a levantar os pes da terra. O premio tiña que ser para tí , polo moito que sabes e o ben que o aplicas. Había tempo que non lía unha novela en galego tan a gusto.

Sun Iou Miou disse...

Vaia, Mar... agora corei! :)

Bicos

Raposo disse...

Noraboa, seguro que o premio é merecido. E grazas tamén por amosarme ese canción de Silvio que non coñecía.
Apertas.

Sun Iou Miou disse...

Grazas, Raposo. Merecido eles saben se é. Eu só sei que o agradezo e moito: facíame falla.

E polo outro, de nada. ;)

condado disse...

E si o celebramos de moto? A comer invito eu, non imos comernos unha pluma, non??

Rafeiro Perfumado disse...

Muitos parabéns, Sun, é sempre bom saber que o teu trabalho é reconhecido!

Abracinho!

PS: hoje levas também um beijinho, a ocasião merece!

Sun Iou Miou disse...

Ti cres que está dia para andar de moto, Condado? En fin, se te empeñas... eu xa teño o traxe posto. Brrrr. Onde? Cando?

Sun Iou Miou disse...

Pois é, Raf. Agora só falta que seja dignamente remunerado também. :(

Mas um beijinho teu já vale ouro! :)

Chousa da Alcandra disse...

Pois seguriño que as "xentes tan grandísimas" estaban moi honradas de terte ó seu lado. Parabéns!!!

Bicos dende a Chousa

Sun Iou Miou disse...

Seguro, seguro, Chousa, sobre todo porque non lles fago sombra. ;)

Agora en serio, moitas grazas. :)

ella disse...

Pues voy a leer "O museo da inocencia" de xeito que coñezo a traductora. Fixenme adoptar pola mellor maestra.

Sun Iou Miou disse...

Non che queda nada, Ella... Ánimo! ;)