terça-feira, 6 de maio de 2008

Que por maio















Como non podía ser doutra maneira debíase notar que Condado volve ter moto.


Estaba eu escarranchada cun pé para responder a un comentario de Em Bicos de Pés, o outro pé ao pé da ducha a tentar a temperatura da auga (fría), cando soou o teléfono. A resposta ao comentario do post quedou posposta ante a proposta que me fixo Condado, que se iamos a Monção (el dixo a Melgaço, pero quen o coñece enténdeo, porque xa se sabe que nunca di o que quere dicir, defecto do animal) para comprar café. Non houbo máis que falar. En vinte minutos estaba duchada, vestida e comida. E brrrrrmmmm...!
De Monção, despois de tomar e comprar café (para aí trouxen de catro clases coas que vou experimentar: de Timor, do Brasil, Colombia -claro- e de Angola, pero isto queda para outra historia), saímos de fronte cara a Arcos de Valdevez até Paredes de Coura, sempre, polo camiño mellor que nunca é o máis curto: voltas e voltas e reviravoltas, e altos, montañas, e ríos, pontes, tantos, tantas, que aínda traio os ollos lavados de auga e verde e xestas. Desde Paredes fomos ata Covas, onde nos rendemos ante un tinto novo e un prato de presunto e lombo afumado con pan centeo, ao sol do poente sobre o Coura, intoxicados, mágoa, polo fume e o barullo de dous tractores que nos plantaron no fociño ao ralentí e que nin así nos esmagaron a felicidade da escapada dunha tarde de martes con sabor a sábado.

_________________
E fotos aquí?

7 comentários:

Teté disse...

Bela passeata!

Estás a tentar convencer-me a duches de água fria? Eh, eh, eh!!! Ih, ih, ih!!! Ah, ah, ah!!!

Quanto às motas, pois, é para quem gosta. Já o jámon, marchava... (`_^)

Sun Iou Miou disse...

De motas talvez não gostes, Teté, mas tenho certeza absoluta que do passeio havias de gostar... E não sei porquê estou-te a imaginar sentada no sidecar da mota antiga cor de vinho tinto que vimos pela sinuosa estradinha de Monção a Arcos de Valdevez (`_^).

Em Bicos de Pés disse...

Que fotos giras, Sun. Levas-me a dar uma volta na tua mota, de cabelo ao vento?

Sun Iou Miou disse...

Quando for ver as águas sujas do Tejo, mas só se comprares as sandálias violetas, Em Bicos... (`_^) E mais giro que era tudo na realidade. Se chego a deter a mota de cada vez que via uma imagem de ficar sem alento, ainda destas horas não estava cá.

Em Bicos de Pés disse...

És mesmo chantagista, pá! :)

Sun Iou Miou disse...

Em Bicos, ainda não foste comprar????

Anónimo disse...

É que esas tardes ou mañás inesperadas son, sen dúbida, as mellores.