Xoán Lobo Vieira esperta coa boca seca. Incorpórase con esforzo, busca ás apalpadelas o vaso de auga que deixa cada noite na mesa de cabeceira e bota un grolo. Pétalle un obxecto duro nas enxivas. Merda! Xa se confundiu outra vez! Bebeu do da dentadura. Aínda ben, é súa. Un inicio de arcada asómalle á gorxa ante o espectro noxento dunha dentadura allea. Respira fondo e acouga. E se non houbese outra auga que beber, matina, bebíaa? Bebía, abofé. Iso e até augas peores. Prende o piloto do espertador para ver a hora e é a hora. Os dentes sorrinlle á luz azulada cun brillo de entruido. Toma as pastillas e bebe a rego cheo do vaso bo, sen dentes. Déixase caer outra vez na cama, estrica e encolle os dedos das mans. O medio da dereita estálalle, polo que repite o xesto até que consegue un movemento uniforme e limpo do artello. Do andar de abaixo sobe o latexar lento do reloxo de parede. O ritmo cardíaco acompásase de tal xeito que por uns instantes non distingue un do outro. Lémbralle que leva unha semana sen lle dar corda, vaise parar se non lle dá corda! Érguese, calza as pantuflas e precipítase escaleiras abaixo. Precipítase.
Unha milésima de segundo antes do que tras a autopsia o forense deu en diagnosticar como morte por traumatismo cranio-encefálico, aínda murmurou, menof mal, non vou partir of dentef.
(Isto non termina aquí.)
8 comentários:
Sorte que tivo, non vexas o careiros que son os dentistas!
Esa era a súa preocupación, principalmente, imaxino, Raposo. E logo, xa pensaches no pouco xeito que dá unha caveira desdentada?
O que leva a suspeitar que aquilo que ele bebeu não era água, mas aguardente!
Há gente muito sovina: é impressionante o que alguns são capazes de fazer, para poupar dinheiro no dentista... (`_^)
Beijoquitas!
ps - Obrigada! Ainda não ouvi, porque me pede uns "plugg-ins", vou esperar o maridão chegar para resolver... ;)
Se calhar foram as pílulas, Rafeirito, ou que estava de ser. As escadas nunca se devem descer precipitadamente. (Coisa que eu faço sempre, até um día, que fique fem dentef.)
Pede-te plug-ins, Tetezinha? Não dês. Isso é para deixar com o maridão, fazes muito bem. ^_^
o problema do senhor, além da falta de dentes foi a falta de visão.
Não é por acaso que se engana no copo da água e que logo em seguida se espeta ao comprido na escadaria!
Em qualquer caso, Kapikua, visão ou não, já não tem remédio. Mas tens muita razão, não reparara nisso. Estes meus personagens sempre fazem o que eles querem.
(E isto agora? Voltaste? Vou lá espreitar e venho já!)
Enviar um comentário