Aire de Fuga, Emilio Garrido. Cello solo, Matthieu Saglio
A noite de venres era para ser de recollida e lecturas, coma case todas, pero unha visita, tras o paseo coa Lima, á casa do Condado, onde se "hospedaban" os artistas, acabou cos meus ósos nun concerto sobresaliente, co Matthieu a transformar o rostro meniño debruzado sobre o cello como se o espírito dun ancián sabio o posuíse, a voz grave de Emilio antecedendo as caricias do arco desarmado.
De aí que fose tarde para a casa e que me deitase máis tarde aínda por prender este aparello do demo para tentar redactar a crónica, encontrando dúas cartas dúas inesperadas. Entre unha e outra frustrouse o texto pero retireime feliz a aproveitar as dúas horas e quince minutos que me quedaban de sono, non sen antes consultar o prognóstico do tempo para o día seguinte que xa era: nubes e claros.
Soou o espertador e cos ollos pegados aínda, sacudín a preguiza nunha ducha fría. Collín a moto porque sabía que ía ter sono á volta e vir no coche, aconchegadiña no asento mol, ia supor un perigo para min e para quen comigo se cruzase: non lle quero así tan mal ao mundo. Nótese que por máis que procurei no ceo, non apareceu un claro: só nubes descarregándose. E así, cheguei a Vilamormallo, mormallada de fóra, aínda ben, non calada por dentro.
Machiña eu, das dez da mañá ás oito do serán aguantei estoica e a rastro sobre unha cadeira encartable (suplicio onde os haxa para a columna e o sono) a xornada de Dobraxe e Idioma, por outro lado, ben interesante e, espero, frutífera. Non fose que cando rematou estaba a un paso de caír redonda.
Regresei sa e salva. Mollada. U-los claros?
Metinme na cama baldada e durmín até que... Era madrugada negra cando espertei créndome morta, non fose que os mortos, prego, non deberan sentir dor. Ou era iso o inferno? As miñas cervicais queixábanse polo corpo enteiro, arriba e abaixo, e botei o día entre arcadas e unha dor de cabeza lateralizada que non houbo droga que me tirase até que... Por volta da 1.30 da madrugada seguinte substituina outra, desta vez por riba dos ollos e estendéndose paulatinamente cara aos pómulos, aguilloadas feríndome os músculos todiños... dos artellos nin falo.
Porén, debe ser que non morrín, porque velaquí estou, de volta e volta, case crúa, coa música do Matthieu Saglio, na terra.
4 comentários:
Despois dalgunha balada do Matthieu non é, tampouco, unha mala forma de morrer, se fora o caso, que, espero, non o sexa. Escoitarémolo de novo en Abril, así pois: aguante!!
Que alegrías me dás, Condado, ás veces. Abril, por unha vez, non vai ser, logo, o máis cruel dos meses.
(Non me digas que o contrataches para a estrea da curta, despois dese fondo lindísimo con que embeleceu a tua música? Hihihi!)
Pois, aqui o maridão já adormeceu na auto-estradas numa cena dessas: noite quase em claro, vai para o Porto de manhã cedo, dia de céu azul mas frio, chaufage para aquecer o belo do carrinho, ZZZZZZZZZ... PERLAMPAMPAMPAMPAM (isto foi o carro a embater em várias árvores, felizmente ainda jovens e que acabaram por amortecer os vários embates e a velocidade...)
Mas costuma ser verdade, se se acorda e se sentem dores, é bom e mau sinal: bom porque significa que estamos vivos, mau porque era melhor acordar sem essas dores! Mas ainda bem que estás melhor dessas enxaquecas, que é coisa pavorosa!
E, pelos vistos, já tens outro serão musical lá mais para Abril! (`_^)
Tanta cultura já enjoa, Tetezinha. `_^ Estou a precisar música pimba.
E pois, a mim já quase me aconteceu. Felizmente não cheguei a ficar dormida, mas uma cabeçada lá se deu. De mota, passa-se frio talvez e o incomodo com o cansaço é maior, mas é isso mesmo o que nos mantém acordados.
E pronto, nem me fales em dores, que parece que hoje já estou boazinha.
Enviar um comentário