sexta-feira, 5 de outubro de 2007
Revelación
Recompuxen circuítos, desembarullei cables cruzados, enchufei o enchufe no enchufe, curei os dedos queimados… e desatei a mercar calcetíns coma se o inverno fose a ser duro ou longo —con permiso de don Jaime Gil de Biedma e sen menoscabo ningún dos tres versos que sempre por estas datas me acosan incensantes— na esperanza de que non se confirmase definitivamente. A modulación da voz feminina que se ouvía de fondo a pronunciar o sintagma "moda de inverno" levoume a reparar en que non era gravada, non anunciaba grandes ofertas na planta terceira, nin un pague en tres meses sen intereses. Agucei ou ouvido, levantei a vista e contemplei o espectáculo. Talvez naquela noite triste de outubro subsistise aínda a posibilidade da alba. Alí revelóuseme que o inverno ía ser punk. Estarrecida, naquel momento só pensei en eue. El terás que reconverter a carreira e pasar ao pop, meu?
Subscrever:
Enviar feedback (Atom)
5 comentários:
O Inverno vai ser punk? Tenho de correr a anunciar a novidade... ah, ah, ah!
Pelo menos nesta parte da Península Ibérica, não sei se o fenómeno é de carácter mundial.
Ah, Teté, o da "rexouba" define-se como um comentário negativo que se vai estendendo com intenção de prejudicar alguém, mas não tomes a sério, que isso sim prejudica a saúde (`_´)!
Non me fastidies!
Así que volve o punk. Eu xa algho sospeitaba...
E sabes se os chichitos masculinos entran no concepto? Téñome que aggiornar.
Detalles concretos non che podo dar. Os pases de modelos non son o meu e ao ver a multitude que se empezaba a xuntar arredor, dei á perna para evitar sarabullos. Non me estrañaría que dera en inzar o planeta de clons de arremecágona (que perdoe que lle tire o "h" pero este blog pronúnciao cadaquén como lle pete e poida `_^).
Enviar um comentário