terça-feira, 18 de agosto de 2009

Escapada ao Alto Douro (I)







Amarante


Eran as 10.13 da mañá e o timbre do móbil interrompía o que prometía ser un intenso e implacable debate sobre queixos no googletalk en horario laboral. A voz desafinada do Tronkimazín, na que se lle adiviñaban as lagañas sen despegar, soaba indecente na proposta sedutora coa que me tentaba a plantar ipso facto o choio e a saír zoando cara á casa do Condado coa moto entre as pernas. De alí a media hora puñamos rumbo ao Alto Douro, monte a través primeiro até Sapardos para enlazarmos coa A3, e aí xa, sen piedade, (eu freándolles as ansias e as posibilidades de multa, que de 120 km/h non paso, ou corro o risco de saír polo ar) até Fafe, onde caeu o primeiro café luso e onde o Tronkimazín, que nos viña sen almorzar tras unha noite de tolos (e non é metáfora), aínda sen consciencia de que deixara ben atrás a fronteira, se arrimou ao mostrador para pedir un "pincho de tortilla" en impecable español. Cando nos fartamos de mofarnos del, que se tivo que conformar cun taco de friame (sen preguntar pola procedencia do morto, tal era a larica), fomos arrañando asfalto, exercitando a cintura polas curvas da estradiña a Amarante.

6 comentários:

condado disse...

Perdón: Alto Douro

Sun Iou Miou disse...

Coma sempre, Condado, tes razón. Corrixido e emendado. (`_^)

Teté disse...

Um debate sobre queijos ou queixos às 10 da manhã? Hummm... (`_^)

Não me digas que em Fafe não tinham um "pincho de tortilla"! Então isso faz-se? Vem um galego tomar o pequeno almoço e nem tortilha tem? E ainda teve de se contentar com uma sandes de fiambre(?!), num tempo em que só a alusão aos suínos já provoca calafrios? Coitado! Homem sofre depois de uma noitada...

Beijoquitas!

Sun Iou Miou disse...

Tu não sabes, Teté, mas chegar a um café e pedir um "pincho de tortilla" é coisa que sai de dentro, sem a gente pensar: já está inserido no código genético. (^_^) E ainda teve de sofrer mais um bocado no resto da excursão, hehehe!

Anónimo disse...

Esta muller non para!

Sun Iou Miou disse...

Mira quen falou: Kaplan ou o Tigre das Ruínas! (`_^)