Como era o mundo antes da ponte? Practicamente non hai día que non a cruce. Para dar un paseo matinal en bici de puro domingo, para tomar o(s) café(s) da sobremesa, para patinar, para deitar a mirada no río á anoitecida...
Tal día coma hoxe de hai mil anos, todo As Carrouchas estaba na romería de san Lourenzo. Todo As Carrouchas, menos eu (exactamente igual ca hoxe), que decidín cruzar coa cadela no transbordador. En maldita hora, porque se avariou e deixoume tirada da marxe de alá. Ao final, coma sempre, chamei ao Condado para que me fose rescatar, pensando que aparecería coa gamela polo río, pero non se lle ocorreu cousa mellor que vir na moto, para aí uns 60 km entre ida e volta.
Pena que non quedase constancia da expedición, os tres na burra: a Ula botou todo o camiño a tentar chimparse en marcha, eu a termar dela cunha man mentres coa outra me agarraba, pregando ao deus ao que pregan os agnósticos (polo si ou polo non) en casos de desesperación extrema que non nos cachase a policía de tráfico.
4 comentários:
Credo! Voltaste de mota com a cadela à "pendura"?
Mil anos? O tempo passa depressa!
Carpe diem! (^_^)
E ainda bem que era a fox-terrier, Teté, não a braco nem o goldem... (^_^). Foram os 30 piores km da minha vida.
Mil anos parecem quando penso que agora tem dias em que cruzo à outra margem até três e quatro vezes.
je,je, desta xa non me acordaba eu... pero a culpa foi túa, eu non sabía que estabas co can... e a Ula pareceulle ben
A culpa foi de que estabas de romería, Condado, e entre o viño e o barullo, non entendiches que estaba con Ula. (`_^) Aínda ben, daquela non existía o carné por puntos, se non, quedabas a cero: Ula sen casco, alcolemia, exceso de passageiros...
Sabes quen estaba onte en Covas a tocar a concertina? O Nelson Vilarinho! Pequeno é o mundo.
Enviar um comentário