sexta-feira, 9 de novembro de 2007

Remusmús

Onte, estreando un día de intenso non far’ niente sen paraxe, subín a tomar a dose de café do mediodía ao centro neurálxico da Aldea das Carrouchas. Estaban os seareiros habituais, algúns xa comidos, outros por comer, pero a tónica xeral era de cafés na barra e algún chupito para asentar a botella de viño inxerida para asentar o xantar. O normal. Entón chegou unha muller que disque a chamara non sei se o home se o fillo que disque o chamaran unhas mulleres de Pombalnoseixo a preguntar que quen era o mozo das Carrouchas que morrera que disque non sei quen o vira nun tanatorio na Moinobreemoileal. Cruces de miradas e de ti-sabes-algos. A conversa sentenciouse cun unánime se-a-taberneira-non-o-sabe-non-é-certo... pero alá quedou dando voltas no aire aquel mozo (disque) defunto.

Esta mañá, coma decotío, puxen a radio para ouvir os informativos mentres almorzaba. O noso mozo (disque) defunto era noticia de alcance estatal: No concello de Pombalnoseixo (ao que pertence as Carrouchas) prenderan un rapaz de dezaseis anos por colgar no youtube un vídeo cunha pelexa entre adolescentes.

Non se... xa o dicían: algo había.

Post postum: O título co que se colgou o vídeo inclúe a palabra "kickboxing". Será que influíu na escolla unha certa serie de televisión? (Xa avisei que moi boa para as neuronas non era.) Non era mellor cando os cativos se limitaban a andar co cu ao aire?

2 comentários:

Teté disse...

O moço que estava morto, afinal não estava, tinha sido preso por tirar do youtube um jogo de kickboxing? Acho que não entendi muito bem... Os tribunais aí não têm mais nada para fazer?

Sun Iou Miou disse...

Foi um boato com o único fundamento de que alguém ouviu dizer alguma coisa dum moço que estava (vivo?, morto?) na Moinobreemoileal (que é a cabeceira da comarca, onde estão os julgados, os tanatórios...) e ao final nada fazia sentido. Tratava-se simplesmente de que o tal moço pôs no youtube um vídeo gravado com o seu telemóvel duma rixa entre dois colegas do liceu. Ora, o problema é que ultimamente tem havido alguns casos de acosso escolar gravados com o telemóvel e depois postos no youtube, mais desconheço se aqui foi isso ou uma simples rixa.
Só pretendia falar de como as vezes duma coisa que alguém ouviu acaba saindo outra completamente diferente.