sábado, 3 de maio de 2008

Estrea















Á tardiña saímos a bautizar a moto do Condado e atopamos esta sorpresa a secar no porto d'A Guarda xusto cando xa estaban para retiralos: unha cordada de litán, ou como noutras partes lle chaman, zapata ou chapata (Galeus melastomus), un dos meus peixes preferidos, probablemente máis por senrazóns emocionais ca sensoriais. Lá a muller explicounos o proceso do secado deste tiburón anano: téndese ao sol mareiro coma delicada roupa interior de encaixe, recóllese, vólvese meter en auga con sal, téndese, auga con sal, téndese, e cando está ben seco, retíraselle a correúda pel negra cuns alicates, vólvese meter en auga con sal, cócese e régase de allada. E aínda haberá que lle negue elegancia ao peixe seco!

2 comentários:

kanjas disse...

parece o peixe seco da nazaré... isso é bom? qual o nome comum do peixe?

Sun Iou Miou disse...

Não, Fausto, o de Nazaré são carapaus, se não lembro mal. Isto, pelo que vi chama-se no norte de Portugal "peixe de couro". É um esqualo pequeno, acho que também lhe chamam cação-lixa.