quinta-feira, 17 de março de 2011

Mala baba

Na caixa do supermercado, cando me toca a vez, deixo de ter présa, a tensión reláxase e escoito as conversas que aboian arredor. A metro e medio de min unha muller di que non entende a xente que non quere revelar os anos que ten. Eu penso que alá cada un co seu corpo e os seus espellos. Non, non quero bolsas, grazas, repito en ton automático antes que me pregunten. Vou gardando no carro as cousas que antes tirei para colocar na cinta transportadora e que a caixeira foi pasando polo lector de códigos de barras, que emite un zunido de cada vez, zunido que se transforma en cifras. (De súpeto sinto nostalxia daquelas caixas que dicían money, pola estética clara da boca que se abre e canta o seu contento, sen enganos, transacción física de papel e moedas que manchan as mans... non que eu desexe de forma e en forma ningunha regresar á puta (avaliación adxectiva crítica e enfática sen connotación literal substantiva ningunha) da adolescencia, á merda (ídem de idem) toda da vida miña que felizmente foi quedando atrás. Ela, a outra, insiste en que non entende esa xente, que ela ten corenta e mal lle importa recoñecelo. Eu por fin acabei de gardar as cousas no carro, e pásolle a tarxeta e mais o dni á caixeira. Aproveito a pausa para pór corpo á voz da señora cunha leve ollada de esguello e penso que fai ben en confesar que ten corenta anos, porque non parece. Eu botáballe bastantes máis. Sen dó. Mala baba teño.

4 comentários:

Teté disse...

Ainda me lembro da mercearia de bairro, onde o senhor Vaz tinha uma gaveta onde punha o dinheiro e os trocos. Qual caixa registadora?! E se a quantidade de compras e de peso das ditas fosse grande, lá ia o marçano carregá-las até à casa da freguesa, dentro de um cesto que carregava às costas, que naquele tempo nem todas as casas tinham elevador...
Essa dona faz lembrar uma amiga da minha mãe, mais velha do que ela, mas que rejuvenesceu com o tempo, nunca passava dos 35, já a minha mãe andava nos enta!
Gostei de ouvir os Pink!

condado disse...

A min tampouco me fan moito caso cando digo que non me importa dicir que teño cuarenta anos...

Sun Iou Miou disse...

Onde vai que temos corenta anos, Condado!

Sun Iou Miou disse...

É verdade, Teté, o único barulho era o das moedas a bater no mármore do balcão.

Sempre é bom voltar ouvir os Pink Floyd. Que velha estou!