domingo, 20 de setembro de 2009

Asalto á intelixencia










É triste, tristérrimo, constatar á saída dunha sala de cine que unha non aprendeu nada. Magóame no caletre (mecanismo perverso!) comprender que dilapidei 121 minutos de vida (nin vou ser tan mísera para ter en conta os 5,70€ da entrada e mais os oitenta quilómetros de ida e volta en gasolina sumidos, consumidos e sumados aos prexuízos ambientais consecuentes...), que podían estar sempre mellor empregues en contemplar as estrelas, reflectindo asemade sobre o papel que vou desinterpretando no universo, que xa é delito. De aí que me rillase a conciencia mentres na pantalla se sucedían os gritos, os tiros, as persecucións, os primeiros planos sobre a escolma de personaxes tópicos que engrosaban o cadro de reféns e se desenvolvía unha trama carente de intriga (aínda sen necesidade de coñecer a versión primeira ou a novela que serve de base), con heroe protagonista, simple home do común, a redimirse de pecado pecuniario leve. No entanto, a preguiza de enfrontar o ascenso frío polo somonte da Serra d'Arga e a máis que glacial noite que me agardaba na casa amarroume na butaca, nunha tentativa va de transformar o sufrimento en apatía indolora. Non me reprendan por iso, que xa me fustrigo eu soíña e ao cabo, vanme ter que agradecer que lles aforre tempo e diñeiro, bardante que non me sexan dignas criaturas de entrar neste cortello e gocen, estomballados no sofá ou no cine, engulindo desalimentos diversos mesturados coa peor gallofa que vin nos últimos anos (sen cobrar, enténdase, que por cartos o conto é outro e unha prostitúese en corpo e mente para comer e beber).

Pero, pero, pero, atención!, como servidora se nega a non quitar algún beneficio de tanto desaproveitamento, acabei concluíndo que cando menos podía tirar unha lección, que vou compartir magnánima con vostedes: Nunca, o que se di nunca endexamais da vida, monten nin no primeiro vagón nin no derradeiro de metro ou tren ningún. Nos extremos aumentan as probabilidades de acabaren retidos polos terroristas ou delincuentes en caso de asalto. E doulles outro consello de balde e talvez en balde, pois é ben difícil de cumprir nalgúns dos seus factores constituintes: non sexan negros ex-combatentes do exército dos Estados Unidos e simultaneamente reféns dun secuestro, porque lles toca morrer (sacrificarse, vaia) fixo por unha nai branca viúva de soldadito á metade da película. Avisados quedan!

14 comentários:

R.R. disse...

xD

Teté disse...

Obrigada pelo aviso, à partida não seria um filme que estaria interessada em ver, mas com a tua achega mais me ajudaste a decidir... (`_^)

Essa de não entrar na primeira ou última carruagem do metro ou comboio é capaz de não ser má dica em caso de sequestro, agora quanto ao resto... o melhor mesmo é não ser refém!

Beijoquitas!

Sun Iou Miou disse...

Não se ria, r.r., que polo menos a merda da película deu materia para escribir.

Sun Iou Miou disse...

Não tinha outra coisa no cartaz mais apetecível, Teté.

Não está nas nossas mãos ser ou não reféns dum sequestro colectivo. Eu já os avisei, depois não se me venham queixar.

Lili disse...

Terei en conta os consellos non só para aforrarme eses minutos malgastados da miña vida senón tamén cada dia que monte no rexional 598 ou como se diga destino santiago de compostela, vía 1, a ver se por sentarme no extremo que me mande renfe vou morrer a primeira!

:P

moitos bicos!

condado disse...

E, que fas ti tentando cambiar o destino do mundo? (eu, que sempre quixen se heroe)

Sun Iou Miou disse...

Ti dille ao revisor que foi por prescrición da túa psiquiatra, Alodia, vas ver que logo te deixan ir onde queiras (`_^).

Sun Iou Miou disse...

Entón, Condado, a xente non escribe para cambiar o mundo?

Pois, se queres ser heroe, podes cantar aquela do Chico Buarque baseada nunha conversa infantil...

Anónimo disse...

¡Sun Iou Miou, muller, só a ti se che ocorre!
¡Éche ben certo! ¡Anos e mais anos a traducir películas para acabar picando de semellante maneira!
Iso si, tomo nota do consello para o metro; eu sempre pensaría que para escapar mellor sería estar no primeiro ou no último vagón.
De todo se aprende nesta vida, si, señor.

Sun Iou Miou disse...

Tamén cho digo, Sigrid. Hai días en que unha se levanta burra.

Raposo disse...

O do negro excombatente tanto me ten, pero o outro consello agradézcollo porque teño que montar nese "cabalo de ferro" dentro duns días e asi xa estou avisado.

Sun Iou Miou disse...

Lembre, Raposo, que se non é negro ex-combatente, tampouco é nai branca viúva de soldadito (espero?), de maneira que ninguén se vai sacrificar por vostede, así que xa sabe, nos vagóns do medio, polo si ou polo non.

Marreta disse...

Pois, já vi que o assalto ao metro foi mais um assalto à carteira!
Não costumo ligar muito à opinião dos críticos de cinema, mas no outro dia ao desfolhar o DN, reparei na crítica a este fime, e por incrível que parece era unânime entre os 3 "experts" na matéria: Abaixo de cão!
Por tal, não me apanham lá.
Na 6ª feira passada fui ver o "Sem Provas", que apesar de até ter um elenco interessante (Ed Harris, Samuel Jackson, Eva Mendes, Luiz Guzman) também não aconselho a quem se tiver de deslocar mais de 1 km.

Saudações do Marreta.

Sun Iou Miou disse...

Agradece-se o conselho, Marreta. Eu já vira que as críticas não eram muito boas, mas... enfim, não te vou contar a minha privada verdadeira. Hehehe! Vou ter de voltar às sessões das pequenas salas resistentes de Vigo para ver alguma coisa decente, nem que seja dobrada.